14.12.22: «НейроЧат» сөйлеу қабілеті бұзылған адамдарға сыртқы әлеммен байланысуға көмектеседі
Фото ©️ ALIKHAN SARIYEV/TENGRINEWSKZ
2021 жылы Алматы қаласының Цифрландыру басқармасы Алматының түрлі алаңдарында іске асыру үшін Мәскеу қаласының инновациялар агенттігі жобаларын іріктеу бойынша раунд өткізді.
«Ми-компьютер интерфейстерінің технологиясына негізделген нейро-коммуникация және нейро‑тренинг жүйесі» жобаларын енгізу үшін таңдалған жобалардың бірі сөйлеу және қозғалыс бұзылыстары бар пациенттер үшін коммуникация құралдарын құруға бағытталған. Мұндай пациенттер үшін сыртқы әлеммен байланысу мүмкіндігі олардың әлеуметтенуі үшін үлкен жетістік болып табылады.
«НейроЧат» – бұл ми-компьютер интерфейстерінің технологиясына негізделген сөйлеу және қозғалыс бұзылыстары бар адамдарға арналған коммуникациялық аппараттық-бағдарламалық кешен. Шешім мәтінді көрсету үшін арнайы интерфейсі бар пайдаланушының компьютеріне орнатылған нейрондық гарнитура мен бағдарламадан тұрады және интернет желісінде дауыссыз және қозғалыссыз байланысуға мүмкіндік береді. Жобаның жаңалығы – алғаш рет пациенттердің бір-бірімен, медицина қызметкерлерімен, жақын адамдарымен және бүкіл әлеммен желілік байланысы үшін мүмкіндік жасалынды.
«НейроЧат» пилоттық жобасы Алматы қаласы Жұмыспен қамту және әлеуметтік бағдарламалар басқармасының жаңартылған «Алатау әлеуметтік қызметтер орталығы» базасында іске асырылды.
Пайдаланушы виртуалды пернетақтадағы қажетті таңбаға назар аудара отырып, объектіні психикалық таңдауды жүзеге асырады. Сонымен, әріппен әріп немесе дайын сөздерді таңдау арқылы адам ойлау функцияларының дамуына ықпал ететін барлық сөйлемдерді «басып шығара» алады. Айта кету керек, «НейроЧат»-қа рұқсат тек қарсы көрсетілімдері жоқ науқастарға беріледі.
«Шетсіз қала» тұжырымдамасын дамыту шеңберінде «НейроЧат» жобасы пациенттерді қадамдық қолжетімділікте әлеуметтік бейімдеу мүмкіндігін қамтамасыз етеді. Сондай-ақ, Қазақстан Республикасы Денсаулық сақтау министрлігінің «Республикалық психикалық денсаулық ғылыми-практикалық орталығымен» бірлесіп сөйлеуді дамытуға байланысты ауруды емдеу әдістемелерін дамыту бойынша ғылыми-зерттеу жұмыстарын жүргізу бойынша бастамалар пысықталатын болады.
